Bul týraly Aýyl sharýashylyǵy mınıstriniń birinshi orynbasary Aıdarbek Saparov Ortalyq kommýnıkasııalar qyzmetinde ótken brıfıngte aıtty, dep habarlaıdy Egemen.kz.
"Jańa egin astyǵynyń sapasyna baǵa berý áli erte, óıtkeni lısenzııalanǵan elevatorlarǵa onyń az ǵana bóligi kelip tústi. Bul rette, negizinen astyq qabyldaý kásiporyndaryna keptirý men óńdeýdi qajet etetin kondısııalyq emes astyq tasymaldanatynyn, al kondısııalarǵa jaýap beretin astyq kólemi kóbine aýyl sharýashylyǵy taýaryn óndirýshilerdiń qoımalarynda saqtalatynyn aıta ketken jón. Elevatorlardyń astyqty qabyldaýǵa daıyndyǵy máselesi karantındik sharalardy kúsheıtý múmkindigin eskere otyryp astyqty alqaptardan elevatorlarǵa úzdiksiz tasymaldaý máselesi sııaqty turaqty baqylaýda", - dedi Aıdarbek Saparov.
Onyń aıtýynsha, astyq óniminiń boljamdy kólemi eldiń ishki qajettiligin tolyq qamtamasyz etýge, sondaı-aq belgili bir kólemde eksportqa jóneltýge múmkindik beredi.